«IKERTRYKY»ren bertsoak

2006/02/22

2006/02koak

Urtebetetzeen gozo gaziak,

oroimenaren eskasiak,…



12ak helduz bat mobila hasi
da zorionak kantatzen,
irudimenez idatzitako
mezu gozoak dastatzen.
Zoriondua izatea nahiz
danori zaigun gustatzen,
tamalez ez dut sekula inoren
urteguna gogoratzen.


Urteak gora doaz, ez gara
gu iaz bezain gazteak,
ta koadrilak ez dizkit barkatzen
nire garun eskasteak.
Amorrarazten nau baina lagun
baten urtemuga ahazteak,
ta are gehiago, gero aurpegira
“ahaztu ein dozu” esateak.


Memori akatsen ondorioz eman
ditut disgustu ugari,
urtebetetze egunerako
nahiz izan hainbat gurari,
Detailetxo bat eskatzen diot
nire lagun koadrilari.
zuen eguna jai!! dela dion
agenda egin opari.